|
妳在幾時認識安室奈美惠呢?是機緣巧合嗎?
為什麼會喜歡她呢 ?
我認識安室時應該係95年。有個好鐘意安室o既男仔，當時我又正要去日本玩，佢叫我幫佢買安室月曆 ，我都o吾知安室係邊個，佢拎左安室隻
Dance Tracks Vol. 1比我睇叫我認住佢個樣。重猛咁sell安室 比我話佢跳舞同唱歌都好正！當時我真係o吾覺得安室有咩咁吸引，CD
cover個樣鬼咁白，睇裡面D相佢 又黑蚊蚊。單睇CD D相，我真係吾覺得有幾吸引！之後佢比Dance Tracks
Vol. 1我聽，聽頭個幾首，我 都係一路做功課，一路吾係好留心咁聽。當開始聽到中間個幾首倒，吾知點解好自然跟住D拍子o係度拎
頭擺手咁，呀！聽落又幾好feel喎！當時我諗，好聽就好聽o剌，不過我諗安室都會好似香港Ｄ歌星咁， 錄音時好聽，唱live時好驚！一係就跳舞勁，不過表現時口形就夾定！重要夾o吾到個種。後來，我係信和
度租左隻安室95年時的演唱會錄影帶睇，睇佢一邊跳一邊唱都吾喘氣個樣，我第一個反應係「嘩！」， 之後已經呆住咁睇曬成餅帶。重呢一刻開始，我就開始愛上安室的歌聲，舞蹈，同笑時勁可愛，cool
時型 得非常的樣子了！但到宜家，愛安室的當然不單是這樣簡單啦！更值得我繼續愛安室的是她的努力，堅強 和那份對唱歌那份熱情與執著。
現在的〝安室奈美惠〞對妳來說還是以前的〝安室奈美惠〞嗎?
現在的安室和以前的安室基本上是一樣吧！改變的除了外表比以前成熟外，現在安室的性格好像比以往更 明顯，對工作更執著，她之前還要兼付母親一職，反而沒有退步，真的另人很佩服呢！我只諗到一個詞語
來形容現在的安室-----「昇華」，呢個字好似好誇張咁！但這是最好的形容吧！現在的安室雖然沒有以往 咁有人氣，但相反安室在各方面的確比以往更進步，跳舞同歌藝吾在講，現在的安室還參予作詞及唱片製
作方面，另歌曲更具「安室感」，什麼是「安室感」！吾知點講，總之當我聽起黎時感受比以往的大，以 前安室好似一件商品咁，有歌就要唱，只要唱片賣得就是成功！但現在的安室成為唱作人，唱片就算賣得
吾好，但我覺得是比以往更成功，因現在的歌曲是完全屬於安室吧！不再係小室的附屬品！安室在短短幾 年經歷了生離死別，仍沒有放棄歌唱事業。反而更努力工作，我想無幾多人可以好似安室咁厲害呢！
那首歌給妳最深刻的印象或感想。為什麼呢 ?
um.....宜家我會選I will 吧！我看到安室說填這首歌的概念是來自一直支持她的歌迷，想寫一首屬於安室和歌 迷的歌。我都係安室歌迷o麻！也即是安室為我而作的歌呢！哈哈！除了這原因，那當然很喜歡曲詞，很舒
服的，安室演繹這歌時真的唱得很有感情，聽起黎時好感動！好想喊咁。最喜歡當然是安室填的詞啦！《就 算遙遠無論何時也能感覺到你在身旁，現在起，從現在起，用那一份「存在感」把我填滿！想要發現﹣無
論在那一天，一直~and I will be with you......》我同安室真係相距得好遙遠呀！隔山又隔海，每次我去到日本
，我最開心吾係可以去shopping，而係覺得我同安室既距離近左好多呀！我同我屋企咁講，即刻比人話我癡 線，其實都吾係o者！我諗就好似安室Ｄ詞咁：無論多遠，同樣感到那種「存在感」吧！《暴風雨過去之後一
定~總是浮現彩虹(無論發生什麼事一定有雨過天晴的一天)》我諗這句詞是安室時時同自己講的說話吧，所以 無論她遇到什麼困難都能再站起黎，呢句都成為左我左右詺了！
在眾多收藏品中，妳最喜愛的安室收藏品 ?
很難答呀！基本所有有安室樣子的物品，我都當寶咁！只能選一樣的話我會選97年Tokyo Dome Concentration
20的演唱會DVD。喜歡安室就是喜歡她的歌、舞蹈、精彩的現場演繹、歌聲，超型超可愛既樣子.....，我覺得
這個演唱會就是集合了以上講的一切，係安室最精彩的演唱會！
妳有試過因安室而改變了什麼呢 ?
以前初中時會勁學安室既衣著打扮，安室穿超短裙，長靴，我就買類似的黎著。可能個時屋企無全身鏡照，
吾知個look有幾恐怖，諗起都有Ｄ驚！宜家當然吾敢咁啦，不過有時都會學安室Ｄ髮型同買佢做代言人既唇糕
來用咁囉！以前改變了的係外表，宜家真正改變了的我諗係處事同想法吧！以前每遇到難題，我只識驚，淨係
識講「死啦！今次死緊勒！」好依賴別人既幫忙。所以到宜家好似重長不大咁！但見到安室每遇困難都好堅強咁自
己面對解決，我都因而以安室為目標，學習了自己解決困難，多左Ｄ自信心咁！
|
