|
咁妳有冇試過係夢中到夢見安室呢？
有呀有呀!!!
都有幾次架...試過夢見同安室傾計...請佢食餅...夢裡面安室仲識講廣東話添。
最大印象就係發夢去佢既concert囉...仲要係企第一排!!!(發夢就有我份..)詳細情形我都唔記得啦。一直都覺得好遺憾，到依家為止都未有機會親身去睇安室既表演...當年小室哲哉拉大隊黎香港，我係有去接機架，到第二日睇報紙話原來當時有得派勁歌(哩度出唔出得節目名架??)既飛，唉，果陣真係喊左出黎呀...依家諗番，個心仲隱隱作痛呀...
那麼她有沒有影響到妳呢 ? 例如外型或其他
.
我最欣賞安室既性格...我諗安室果種"人地唔敢我偏要做"(個人觀點咋)既性格影響我最多，佢不時唔聲唔聲嚇人一驚，突然剪短頭髮，突然結婚生BB...俾著你站在事業上既高峰,你敢唔敢毅然放棄一切???
雖然曾經俾佢嚇到差D心臟病發，不過我覺得佢真係好堅呀!!!!
當我有時諗唔通一D事、或者事事提不起勁既時候，我就會諗起安室，然後話俾自己聽"睇下安室幾叻!!"...自自然然就會有番幹勁架喇。
妳覺得安室有冇現代女性風範呢？
我覺得安室簡直係成功現代女性既表表者呀!
由零開始完全靠自已，十八、九歲已經有成功既事業...之後結婚生仔…媽媽出事，到離婚繼續努力工作，可能已經係好多人一生既經歷、甚至跟本唔會體會到...睇住安室一路以來既經歷，我真係要衷心寫個"服"字呀!!
佢真係好堅強、敢作敢為、又不斷improve自己各方面...最重要既係，佢先至廿幾歲咋...作為一個現代女性，佢即使做唔到一百分，都有九十五分啦，況且我絕對相信，將來既安室一定會比依家更成功架。
如果要妳選擇打扮成安室那樣，妳會選擇那個時期的安室呢
?
嘩!!!我諗我唔會、亦都冇咁既quali打扮成安室咁樣啦，每一個時期既安室都咁正!!
sweet 19 blues時期既安室打扮好young好健康，concentration 20時期既安室就非常型非常酷，復出後就冇以往咁大膽，不過如果要我揀，我就最鍾意依家既安室，有種獨一無二既成熟韻味，而且處處都表現出佢好有自信添。
最後，妳希望安室將來會變成怎樣呢
?
都冇話特別希望佢會變成點架，其實都唔需要我去希望啦，我知道安室一定會越來越叻。即使佢今時今日既聲勢唔可以同婚前相比，但在所有fans心目中，佢係一直進步緊。對我黎講，成功唔只係由一大堆賣碟數字堆砌...而係由口碑、由所有歌迷對安室既不離不棄、由人人都睇得出佢歌唱技巧上落既苦功、由安室逐步涉足佢音樂既幕後製作，都一一証明，安室係一步一步咁向前邁進緊。
我亦非常期待，下一次安室會帶給我們怎麼樣的驚喜呢。
|
