|
Age ? : 青春的17歲
Sex ? : 鄰家小男孩
Location ? : North
Point,Maybe Australia Perth soon !!
ICQ ? : 74466566
E-mail ? : hocyrus@hotmail.com
|
|
你第一張購買安室唱片是那一張？為何你會買下這張唱片呢？
第一隻買既Amuro CD應該係Sweet 19 Blues,我個陣睇完97 Live就走去CD舖搵安室的CD!咁見到得Sweet
19 Blues咪買 囉!我個陣又唔係太認識Amuro,都係見邊隻買邊隻!!加上我見Sweet 19 Blues
Songs List同97 Live Songs List,比較多一樣 既歌,咁保險d麻!咪買囉!!(市儈心態!!)相信見到我呢段野既
Amuro Fans一定嘔哂血!!哈哈哈...
安室的一舉一動都是傳媒的焦點，那麼安室的新聞令你最深刻的是那件事呢？
最深刻的新聞...我諗係Amuro復出啦!
我個陣留意Amuro都係因為安室係哂淚熱唱Can You Celebrate?,
先留意佢!同埋個陣好多新聞都大肆佈道呢年事!!所以應該係最
深刻的新聞!!
安室那一個PV是你最喜歡的呢？
好難揀呢!!我諗應該係Say the Word!!
呢個PV雖然唔係最靚,(我覺得最靚PV係Please Smile Again!!)但我
覺得呢個PV拍得好有動感,好大製作!!Amuro好型,又同班Dancers跳
勁舞,又出車又出飛機!!同埋都拍得幾有新意!!所以我最鐘意呢個PV!!
若果安室有機會和cyrus你合照，你希望安室和你拍一張怎樣的照片？
呢條問題我最鐘意!!阿邊個真係了解我!!知我鐘意影相!!
但係影得一張就真係好少啦!!我仲諗住同Amuro擺唔同樣狂影!!
其實我就想同Amuro影好似雜誌影個d相咁!!我覺得好型好靚好Pro!!
不過就好似Cool得滯唔得親密,陣間d人實話我整假相!!
所以我會同Amuro搭哂膊頭,有咁埋企咁埋,最好面貼面!!
一齊擺個招牌笑容出黎!!影出黎不知幾親密,d人一定唔會話整
假相之餘,又會妒忌死我啦一定!!!哈哈哈哈哈......
最後，有什麼說話你最想和安室說呢？
要講咩呀...
唔...我雖然知道Amuro好愛我,我都好鐘意Amuro,但係我仲
係求學時期,唔可以因為拍拖而分心,但係我好樂意同Amuro
做好朋友!平時一齊食下飯,行下街咁啦!唔好再講呢d住,好多
人已經妒忌死我啦!!
咁Amuro雖然而家無以前咁紅,但係我做得Amuro Fans就
唔會Care呢d,我Care既係Amuro的歌,只要Amuro繼續唱多d
好歌同跳勁舞,我係唔會變心架!!Amuro唱功進步左好多,跳
舞都勁左好多,希望Amuro可以繼續努力落去!!
Amuro有實力,唔會衰得去邊!!我成日都講爛船都有三分釘,
何況Amuro唔係爛船!!天係有眼,人都唔係聾!! 好音樂總會有
好多人欣賞!!我相信Amuro最終會好似Madonna以Music一曲,
重奪屬於自己的第一!!
Amuro is the Dancing
Queen of the World!!
Amuro is My Favourite Dancing
Queen!!
Interview by Joe
and thanks for Amuro fans Cyrus
|
|
|
你是如何開始喜歡安室奈美惠？
我係98年新年個陣睇紅白就聽過Amuro個名,個陣我阿哥同我講話Amuro係日本最紅既天后,
不過我個陣唔鐘意日本歌手,唔知佢地唱乜,所以就無留意同埋仲覺得紅白好悶添!
之後到99年新年又播紅白,個年Amuro復出,Amuro哂淚熱唱can you celebrate?, 咁就吸引到都注意啦,不過都仲未鐘意Amuro!!
之後我過幾日我阿哥買左隻Concentration 20 Tokyo Dome Live老翻, 咁我無聊無野做就開黎睇,開頭覺得d
Lighting Design好正(我愛Lighting Design)
不過開頭三首歌我無乜感覺,悶悶地(而家當然鐘意啦!!)不過到Don't Wanna cry落幕個part,
首歌又正,Lighting Design又正 ! 就吸引左我睇落去,就係咁就鐘意左Amuro!! 我同安室既愛情都算崎嶇!!
雖然我好市儈啦,唔會買Amuro雜誌,不過我都追番哂安室Album,不過Single除外(市儈心態,哈哈哈...)
我都算係資歷比較淺同市儈同好好人同傻奸奸既Amuro Fans!!
安室剛好出道10週年，安室在這10年間唱出的多首歌曲中，
那一首令你印象最深？
唔...好難揀...
令我印象深刻既歌有三首, Can you celebrate?,Say the Word,Something 'bout
the Kiss, 好難再係其中再揀一首...
唔...我都係揀Can you Celebrate? 我唔係最鐘意呢首,不過講印象最深刻應該係呢首!
Amuro每次唱呢首歌既時候,相信佢既心情都唔同,好似97年結婚,99年復出,2000-2001
年開心美滿,到2002年既離婚,呢首歌對安室既意義都唔同,而Amuro每次演繹呢首歌既方式,唱功都唔同,
所以印象係比較深刻!
你認為安室最適合演繹怎樣風格的歌曲？
其實Amuro好多風格既歌都好適合 ( 同我講音樂,知唔知我咩來頭!!! )好似Blue的Sweet 19 Blues,
R&B的Something 'bout the Kiss,Dancebeat既Body Feels Exit
咁,Amuro因為唱功好,所以都演繹得好精彩!!
不過我就覺得以Amuro既實力,快歌應該比較適合Amuro,因為Amuro跳得唱得!!
雖然Amuro近年轉攻慢歌,都有令人驚嘆既表現!!不過就浪費左Amuro跳舞既天份, 所以快歌係比較適合Amuro,相信大部分Amuro
Fans都係鐘意睇Amuro充滿動感既一面 !!
安室的演唱會最吸引你的地方是什麼？你又最期待安室製作一個怎樣的
演唱會給大家？
哈哈哈哈哈...呢條好似為我度身訂做!! 阿邊個真係知我心意!! Amuro的Concert,最吸引當然係Amuro唱歌又跳勁舞啦!!
不過我最愛Lighting Design ! 所以我最鐘意好似Dome Concert個次咁既演唱會!! Lighting
Design正爆,個台又大又正!!
不過最期待安室製作一個點樣的Concert... 都係要有正爆Lighting Design 啦!! 唔需要要有太多舞台機關,
騰出多d空間比Amuro發揮, 個台越大越好啦,Lighting Design發揮都好d!! 同埋要有好似Dome
Concert個次咁多人的Dancers, 同Amuro一齊跳勁舞,咁先有氣勢麻!!!
最好攪埋香港Tour添啦!!!
安室有沒有給你一些特別的影響力呢？
影響力...梗係有啦!!
好似我係2000年個陣既Fashion Show, 我做Fashion Designer, 我有d衫都係偷97 Live
的橋 咁咪嬴左好多獎同全場總冠軍!!
咁有陣時我唱歌都會有d跟安室用氣(而家少左) 好似拎Mic都有時用左手(唔知點解會
唱得好d)仲有Amuro教落拉Mic,咁樣咪唔會爆Mic之餘又有台型!!我就係靠咁樣先入到Singing
Contest Final!!哈哈哈哈...
另外Amuro都令我對香港歌手改觀,除左梅艷芳,其他歌手都跳得差之餘又唔夠氣,唱歌
又唔係Live,變得唔係太鐘意香港歌手!!
|
