|
由少女時代到已為人母的安室，你覺得安室有什麼轉變的地方，你又喜歡那一個時期的安室呢？
我最鐘意都係安室96時期o個種style， 好有型， 好有性格，
佢o既金色長髮加小麥色膚色 ， 仲要著埋短裙， 長 boots，
呢個style簡直係無敵呀， 著西裝又型喎 ， cool 到痺呀， 而
安室結婚之後， 佢著o既衫明顯 feminine o左， 好少好似以
前咁前衛 ， 比較親切 ， 不過佢好似好鐘意紋身咁喎， 好型
架!!! 佢以前就比較 cool ， 唔係成日都笑， 有時覺得佢刻意
扮得大人d 咁架 ， 但係而家就成日 仲笑得好親切， 好
sweet， 令人覺得好溫暖架， 仲笑得好真情流露添， 所以
話呢， 安室點都靚!! 仲有喎， 佢o既eyebrow都好靚， 正正
， 好襯佢!其實安室無論在婚前或婚後都很吸引力。
如果要妳選擇一樣妳最愛她的收藏品，妳會選擇......
我會揀19770920 o個本寫真集， 因為d相好靚， 好型， 又
有唔同o既style， 各有特色， 仲有好多好難得一見o既look呢
， 戴白色假髮啦， 仲有著bikini影相， 我都係第一次見， 真
係好值得好好珍藏， 仲有個境又靚， 牙買加呢個地方真係好
特別， 我有機會一定會去， 仲要去安室去過o既地方， 講講
o下， 我又想拎出o黎再睇一次添， 嘻嘻! 安室本寫真集真係
好值得買o黎收藏架， 安室出道十年都係出o左一本寫真集ja
， 佢個封面都正到痺啦， 寶黛麗頭又成為話題喇， 入面所有
相都好有feel架， 真係百看不厭!!不過其實真係好難揀架， 揀
o左寫真集又無得聽歌喎， 你會點揀呢???
曾經有報導說安室將會到外國發展，對你來說是好是壞呢？
我覺得其實係好事o黎架， 安室個樣又鬼鬼o地喎， 唱歌又夠
氣， 十足十外國d歌星咁啦， 佢唱R&B o個時， 日本都未興
起添呀， 佢都已經唱緊喇喎， 好犀利!! 不過我諗安室一定要
練好d英文先可以發展得比較順利!! 如果外國o既定義係包括香
港的話， 我覺得安室應該先開拓香港呢個市場先， 雖然佢o
係香港已經好出名， 就係因為咁先更應該o黎香港， 咁起碼有
個好開始先呀嘛， 叫咩呢唔.....呢d係咪叫做o黎一個頭威頭勢
呀??? 我o地成班fans可以比鼓勵佢， 佢o黎過香港一次ja，
好想佢再o黎呀!! 同埋最緊要都係一樣o野， 就係安室開心，
同埋俾我o地香港fans知道佢o既進展!!
如果安室有機會到香港舉行個人TOUR，你期望安室會帶給你一個怎樣的演唱會？
呢個問題呀， 真係好值得諗諗喎， 我最想安室攪個露天o既
concert， 仲要由黃昏開始唱到夜晚， 咁就最好喇， 仲有好似
marine stadium o個個concert咁啦， 放煙花， 唱"i'll jump"
o既時候， 齊齊jump， 咁就perfect喇， 至於唱咩歌呢， 最緊
要有"can you celebrate?" 同埋1996-97年出o既singles
o既歌，
不過我最最最想都係聽佢唱"dreaming i was dreaming"因為佢
都未試過o係 concert唱呢首歌， 唔知點解唔唱呢?? 我覺得安室
唔使將個會場佈置得好花巧架， 令到聽concert o既人有親切
感，先係最緊要， 咁樣大家都聽得投入d， 會好enjoy成個
show， 仲有， 希望有好多佢o既記念品賣!!我其實仲有一個好
虛無縹緲o既 dream， 就係可以俾我o係後台同安室影相， 要
簽名架， 同埋可以o係佢演出之前， 同佢講"gan ba de"同埋有
份"give me 5"， 嘻嘻!!
最後，可以用一段說話說出你現在對安室的感覺嗎?
我對安室的感覺呀.................我不太懂得寫出來啦， 我的表達
能力不太好呢， 但我可以大概寫出來的， 我好想安室成日都
有新o野出， 無論係singles， 上tv， magazines都無所謂，
因為我好驚安室唔出o黎架， 好想日日都見到安室!! 安室而家
俾我o既感覺係好有活力， 在音樂方面好俾心機， 我都好想可
以安室咁， 咁投入去做一件事， 佢好努力， 我好想見到佢再
攀高點， 我覺得佢有無限的潛質架!!
Interview by Joe
and thanks for Amuro fans masaki Stephanie
|
